تيمور و شفيقة اقوى افلام الصيف

استعرض الموضوع السابق استعرض الموضوع التالي اذهب الى الأسفل

تيمور و شفيقة اقوى افلام الصيف

مُساهمة من طرف Admin في الجمعة يونيو 22, 2007 6:16 am

المكان / القاهرة تحديدا سينما اوديون
الزمان / 8 مساء

مساء الخير ...ردت بهدوء مساء النور ... قلتلها : من فضلك تيمور وشفيقة هايبدا الساعة كام ؟ ردت بنفس الهدوء : 9 بصيت فى ساعة ايد عادل صاحبى وده لانى مابعرفش البس ساعات فى ايدى عقدة قديمة وانا صغير وقلت لعادل : كويس قدامنا ساعة على بال الفيلم ما يبدا .... ممكن 2 تيمور وشفيقة بس بعيد عن الشاشة وضربت ايدى فى جيبى خرجت 20 جنيه وهوب دب عادل ايده فى جيبه وخرج 10 جنيه نكمل حق التذكرتين وادور على فكة علشان اديها للانسة الهادية ملقتش .....بصتلى وابتسمت وقالت بهدوء برضو : كل سنة وانت طيب .... قلت : اه حاضر ثانية واحدة بس ممعكش فكة يا عادل .... وهوب ضرب عادل ايده فى جيبه ونفس القصة مافيش فكة .... من هنا لهنا عثر عادل على نص جنيه فكة وهوب وانا مكسوف جدا منها حطيت النص جنيه فوق ال30 جنيه .... ايديها وهى بتاخد النص جنيه فى مقابل الافراج عن التذكرتين وابتسمت بنفس الهدوء قلتلها : 9 ؟ هزت راسها وقالت : 9
هانعمل ايه لسه قدامنا ساعة ..... عادل : طب ما تيجى نضرب اتنين بسبوسة بالقشطة عند قويدر يلااااااااااااااااااااا ضربنا ال 2 بسبوسة بالقشطة وبصيت فى ايد عادل تانى لسه نص ساعة يلا نروح نشوف الناس وهى خارجة هاتقول ايه عن الفيلم يلااااااااااااااا وهوب دقيقتين وكنا قدام باب السينما والناس خارجة مسهمة .... عادل يبصلى وانا ابصله الله هم الناس متيسة ليه كده؟ يمصمص عادل شفايفه علامة مش عارف .... ما علينا مش مهم ....سالت الباش مهندس اللى واقف على باب الدخول : مش الساعة 9 برضو ؟ هز راسه بهدوووووء ايجابا وقال : اه ... اخرجت التذكرتين من جيبى وشورتله بيهم وانا مبتسم ....راح قايل بنفس الهدوء : 9 ونص
عادل : ماهى قالت 9
الباشمهندس: 9 ونص
عادل : يعنى ايه ؟
روحت باصص لعادل وقلتله يا عم مافيش مشاااااكل ادينا واقفين بنتفرج على الناس .... وشوية وجم 3 شباب زى الورد زى ما بيقولوا يا دوب اولى جامعة وهات يا ضحك ولعب وهزار ابتسمت وافتكرت ايام زمان لما كنت بنزل اروح سيما وكنت ببقى فرحان ازاى .... شوية وبدوا يتكلموا بصوت عال شوية وبطبيعة الحال رميت ودنى انا وعادل وسطهم ما احنا بقالنا ساعة ونص واقفين مابنعملش حاجة بقى .... ممعكش فيديو ابيح ؟ ..... شوفت الاعلان الفلانى واااااااااااااااااااااااااااااااااااااااااااو يجنننننننننننننننننننننننننن شوفت الممثل الترتانى الشورت بتاعه كان عامل ازاى يااااااااااااااااااااااااااى ( والله الواد قال يااااااااااااااى ) راح مميل عليا عادل وهمس : هم دول الشباب اللى هايتفرجوا على افلامنا ....؟؟؟؟ يا نهار اسود وبعد ما جت الساعة 10 الا ربع دخلنا وقاعدنا والحمد لله الصالة كانت كومبليه وقاعدنا فى كرسينا صح بعد ما فكينا طبعا علشان ندى للباشمهندس التانى بتاع الكشاف كعادة ابويا علمهالى من وانا صغير ....الشباب بيهرجوا وصوتهم عالى واللى بينده على على واللى بتدور على سلمى بنتها الصغيرة اللى راحت مع باباها تعمل بى بى واللى كان شايل فشار ووقع على اللى قدامه لما اتكعبل وهو داخل فى رجل المدام اللى متخانقة مع جوزها اللى جنبها علشان قالت على السقا زى القمر وهى داخلة فهو حب يغيظها فراح قايلها منى تجنن النهاردة .....مولد بصيت لعادل وضحكت وقلتله ربنا يستر ونقدر نسمع كويس ونتفرج بسلام وهسسسسسسسسسسسسسس الفيلم بدا وحط مليون خط تحت بدا دى لا حس ولا صوت كله منتبه وبيتفرج ومنذ زمن طويل جدا لم استمتع بجو السينما زى الفيلم ده الفيلم حلو والناس اللى قاعدة بتضحك من القلب وكاننا عائلة وكلنا قاعدين بنتفرج ياااااااااااااه بصى لى عادل وابتسم وقالى برافو عليك يا تامر عرفت تقعد العيال دول يتفرجوا ضحكت وفرحت بالفيلم وقلتله بص خالد مرعى عامل ايه ؟ مقعدنى زى الجزمة على الكرسى بتفرج يااااااااااه يا ابن الايه يا خالد اتسحب واحدة واحدة فنان بجد يا ابن الذين مونتاج الاول وهدوء بس مش زى هدوء الباشمهندس اللى كان واقف على الباب لا ده هدوء معلمين راسى ....متمكن مافيش لحظة فى الصورة ... مافيش لاسعة اضاءة على وش ممثل .... الصورة مغسولة ومغسولة دى اقصد بيها نقاء الصورة وحلوة الصوت وجمال المونتاج وكل ده طبعا من شطارة المخرج اللى هو خالد مرعى بتقولوا مين يا ولاد ؟ خااااااااااالد مرررررررررعى .... خالد مرعى المونتير ؟؟؟ .... لا خالد مرعى المخرج اللى ببساطة شديدة جدا قدر يوصل فيلم تامر حبيب لقلوب ناس كتير ...ومشاهد الاكشن يا ببببببببببببببببببببببببوووووووووووى صورة تجنن وحركة تخبل .

بعد خالد على طول نقدر نقول لتامر حبيب راخر يا ابن الايه يا تامر .....الفكرة فكرة السقا والسيناريو كتابة تامر حبيب ولما نقول سيناريو تامر حبيب يبقى لازم نقعد نتفرج واحنا مستنين ....للمرة المليون بقول الراجل ده معلم حوار .... الله القصة بتحكى عن بنت ولد بيحبوا بعض ومين فينا نمش ولد ولا بنت وبيحب ؟ قاعد بسمع كلام قلته وتقالى .... مش هابقى مبسوط ؟ ده يبقى افترى حتى .... الضحك كان بجد ... المشاعر مكتوبة بجد ... تلمسك من جوه ..... وكفاية ان الشباب اللى كانوا داخلين يتفرجوا وبيندهوا على بعض وبيشتروا فيشار كانوا قاعدين مبسوطين وفرحانين ولما جت الاستراحة ووقف نص الشباب يصرخ لقطع الفيلم بصيت لعادل وضحكنا من فرحتنا باهتمام الناس وفرحتهم شكرا يا استاذ تامر ويا ابن الايه تانى وهافضل اقولك يا ابن الايه لحد ما اشوف حاجة تانية بنت ايه تانية


ام عن ابن الايه الثالث ( أحمد السقا ) اللى بحبه من زماااااااااااااااااان وكنت متضايق علشان كل مرة كنت ببقى داخل مستنى حاجة وللاسف مكنت بلاقيها وده يمكن عيب عندى بس بجد ,,,,,,

انا بعتذر لك جدا بجد هو ده السقا اللى بقيت بحبه قوى بعد تيمور وشفيقة وخلاص هو بقى عارف يعمل ايه وهابقى داخل وانا مغمض بعد كده ومن غير قلق خلاص .
ثانيا نخش على تيمو ....يا ابن الايه ....سايب ايدك خالص يامعلم لاول مرة اشوف أحمد السقا جوه شخصية من اول مشهد لاخر مشهد حد تانى خالص حتى فى مشاهد الاكشن تيمور هو اللى كان بيضرب ويتضرب مش احمد السقا .... تخيلوا احمد السقا موتنى على نفسى من الضحك والله انا شوفتنى فى مشاهد عملها فى الفيلم بتصرف نفس تصرفه ..... يا فظعتك يا معلم بجد انتوا الثلاثة فرحتونى يا ولاد الايه
avatar
Admin
Admin

ذكر عدد الرسائل : 549
العمر : 37
البلد :
تاريخ التسجيل : 17/06/2007

معاينة صفحة البيانات الشخصي للعضو http://WWW.DLL2.YOO7.COM

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى